ចម្បាំងក្នុងលំហ

អត្ថបទខ្លីសរសេរដោយសិស្សានុសិស្សថ្នាក់ Terminale ក្រុមភាសាខ្មែរ ៖ ទិវាសិល្បៈ ចម្បាំងក្នុងលំហ

ថ្ងៃទី៤​ ដល់ថ្ងៃទី៨ ខែកុម្ភៈ ឆ្នាំ២០១៩​ វិទ្យាល័យបារាំងរ៉ឺនេដេកាត​បានរៀបចំទិវាសិល្បៈ ក្រោមប្រធានបទ៖ សិល្បៈ និងវិទ្យាសាស្រ្ត​ ដែលមានការចូលរួមពីសិស្សានុសិស្សថ្នាក់​6e ដល់ថ្នាក់4e ក្រោមការគ្រប់គ្រង និងណែនាំដោយលោកគ្រូ​ ព្រំ​ ចាន់ណា​ លោកគ្រូ សេង ផលអ៊ី​ និងលោកគ្រូ​ ណី សុក្រា​។ នៅក្នុងសកម្មភាពនេះ​ វិចិត្រករវ័យក្មេងដែលពោរពេញទៅដោយ ទេពកោសល្យ​ គឺលោក គង់ វិបស្សនា ​ដែលជាសិស្សថ្នាក់​4e ដើរតួជាគ្រូបង្រៀនគូរគំនូរដល់សិស្សានុសិស្សដទៃទៀត។

ពួកគាត់បានរួមគ្នាគូរគំនូរសិល្បៈបុរាណខ្មែរ ដោយលើកយកតួអង្គ​ព្រះរាមកំពុងលើកធ្នូធ្វើសឹក។ ពួកគាត់ឱ្យឈ្មោះស្នាដៃនេះថា​ ៖​ ចម្បាំងក្នុងលំហ​ ក្នុងគោលបំណងបង្ហាញពីសិល្បៈខ្មែរ ដោយមានទំនាក់ទំនងជាមួយនឹងវិទ្យាសាស្រ្ត​។ ពួកគាត់បានប្រើពេលសរុប ៩ ម៉ោង ក្នុងសកម្មភាពគូរគំនូរនេះ។ ប្អូនប្រុស វិបស្សនា បានគូរយ៉ាងផ្ចិតផ្ចង់ផ្នែកក្បាលរបស់គំនូរ ចម្បាំងក្នុងលំហ ពីព្រោះផ្នែកនោះជាផ្នែកដែលពិបាកគូរ ដូច្នេះការគូរផ្នែកក្បាលរបស់រូបនោះ ទាមទារឱ្យវិចិត្រករ ដែលមានទេពកោសល្យខ្ពស់ទើបអាចគូរ និងឆ្លាក់ក្បាច់បានល្អស្អាត។ រីឯផ្នែកខ្លួនប្រាណរបស់តួរអង្គ សិស្សានុសិស្សផ្សេងៗបានចូលរួមគូរបន្តបន្ទាប់ ហើយប្អូនប្រុសវិបស្សនា កែតម្រូវតាមក្រោយ។

គោលបំណងក្នុងការគូរគំនូរនេះ គឺចង់ចែករំលែកឱ្យសិស្សានុសិស្សជាតិសាសន៍ចម្រុះ ដែលសិក្សានៅវិទ្យាល័យបារាំងរ៉ឺនេដេកាត យល់ដឹងពីវប្បធម៍ សិល្បៈខ្មែរ នាទិវាសិល្បៈនេះ៕

រូបភាពដកស្រង់ពីកិច្ចការគូរគំនូរជាដំណាក់កាលៗ